وارانسی: 21 /اپریل(ایس اونیوز /آئی این ایس انڈیا) وزیر اعظم نریندر مودی کی سیکوریٹی کے پیش نظر وارانسی پارلیمانی سیٹ کے انتخابات کیلئے نامزدگی مقام میں تبدیلی کی گئی ہے۔پہلے ضلع انتظامیہ نے ایڈمرل کورٹ میں نامزدگی کا اہتمام کیا تھا، لیکن اتوار کو نامزدگی مقام بدل کر کلکٹریٹ واقع رائفل کر دیا گیا۔انتظامیہ کے فیصلے کے بعد اب پیر سے تمام امیدوار رائفل کلب میں ہی اپنے نامزدگی کے لئے آئیں گے،اب تک لوک سبھا انتخابات میں نامزدگی ایڈمرل کورٹ میں ہی ہوتی رہی ہے۔اس بار بھی ایڈمرل انتظامیہ کورٹ کا رنگ روغن کرانے کے بعد یہاں نئے فرنیچر لگائے گئے تھے۔اس کے علاوہ بیرکیڈنگ اور سی سی ٹی وی کیمرے نصب کئے جا چکے تھے۔اس دوران ضلع الیکشن افسر سریندر سنگھ کے اچانک معائنہ کے بعد نامزدگی مقام تبدیل کرنے کا فیصلہ کیا۔اتوار کو چھٹی کے دن ہونے کے باوجود نئے نامزدگی مقام رائفل کلب میں صفائی وغیرہ کا کام زور شور سے شروع ہوا۔انتظامیہ کے مطابق26 اپریل کو وزیر اعظم وارانسی پارلیمانی سیٹ سے پرچہ نامزدگی داخل کریں گے۔ایسے میں نامزدگی مقام کے سیکورٹی کے نظام ایس پی جی کی جانب سے جاری گائڈلائن کے مطابق کی جا رہی ہے۔پہلے سے طے نامزدگی مقام تک پی ایم اور ان سکیورٹی کی گاڑی نہ جا پانے کی وجہ نامزدگی مقام بدلا گیا ہے۔امیدوار اور ان کے پانچ تجاویزکو کو ہی نئے نامزدگی مقام رائفل کلب جانے کے لئے کلکٹریٹ کچہری کے جنوب گیٹ سے داخل کیاجائے گا۔